Dikur zvarritej në tokë, sot po hedh hapat e parë… këto mrekulli i bëjnë vetëm shqiptarët bamirës
Një ndër historitë më të dhimbshme. Një nënë e baba, që fati i keq i kishte goditur atje ku dhemb më shumë. Tre nga katër fëmijët e familjes Idrizi ishin të paralizuar.
Dy prej djemve zvarriteshin në tokë për të lëvizur në shtëpi.
“Asnjë ditë nuk fillon pa u mërzit, pa qarë. Është një vuajtje që s’ka fund.”
Kështu shprehej Liria, nëna e Gëzimit, Arlindit dhe Adit. Një nënë heroinë që gjithë mundin ia kushtoi atyre, një sakrificë trefishe. Lotët e thirrja e saj për ndihmë, u përcollën në emisionin “Shqiptarët për Shqiptarët”.
Brenda një kohe të shkurtër, paratë e nevojshme për operimin e djemve u mblodhën. Ndërhyrjet shkuan me sukses dhe djemtë nisën rrugëtimin e gjatë drejt aftësimit të trupit e këmbëve.
Pak kohë më parë përcollëm disa foto të vëllezërve të cilët kishin nisur të qëndronin në këmbë, ndërsa tashmë një video të Arlindit. Ai po hedh hapat e tij të parë.
Para pak muajsh ky fëmijë ishte i paralizuar, por sot, falë shqiptarëve bamirës, ai qëndron në këmbë dhe së shpejti do të ecë normalisht.