“Dua t’i kreh flokët motrës” Fjalët e vogëlushes për motrën me tumor të këpusin shpirtin

Prej disa muajsh, kjo familje është tërësisht e shkatërruar. Më e vogla e familjes, Bona, është prekur nga tumori. Deri më tani, gjendja e saj shëndetësore është vetëm duke u rënduar. Ende pa i mbushur tre vjeç, Bonës i kanë rënë flokët, trupi i është dobësuar dhe dhimbjet vetëm i janë shtuar.

Motra e saj, diçka më shumë sesa mosha e Bonës, thotë disa fjalë që të këpusin shpirtin. Kur sheh të motrën, qan dhe s’mundet të ndalojë.

“Më mungon shumë motra… kam frikë se është sëmurë. Dua të shkoj në kopësht me motrën, të luaj… t’I kreh flokët! Të ngjallet motra e të shkojmë në kopësht.”thotë vogëlushja.

Nëna dhe babai i Bonës janë dorëzuar. Kërkohet një ndërhyrje që kushton një sasi parash që kjo familje kurrë s’mund t’i gjejë.

“S’kam mundësi, jam dorëzuar. Nuk e përballojmë dot këtë shumë kaq të madhe.”-thotë babai i Bonës.

“Ju lutem, t’i shpëtojmë jetën këtij ëngjëlli të vogël.”-I lutet shqiptarëve, nëna e Bonës.