Foshnja hidhet nga kati i tretë për t’i shpëtuar flakëve! Këta të rinj kthehen në heronj
Një foshnje veçse 6 muajsh ka mundur t’i mbijetojë mrekullisht rënies nga lartësia e katit të tretë, të një ndërtese që kishte marrë flakë.
Ngjarja ka ndodhur në Nantes të Francës, ndërsa një grup djemsh të rinj janë munduar me mish e shpirt për të shpëtuar njerëzit që kishin mbetur të bllokuar nga flakët e tymi.
Një video ka regjistruar momentin kur prindërit e mbetur në apartamentin nën flakë, kanë hedhur foshnjen e tyre, ndërsa poshtë kishte një sërë dyshekësh për të pritur fëmijën.
“Vendimi për të hedhur bebin ishte e vetmja zgjidhje. Dy minuta më shumë të kishin kaluar, foshnja me siguri do të kishte vdekur”-tha një prej dëshmitarëve okularë në ngjarje.
Sauvetage par des jeunes de la #Bottière, d’une famille et d’un bébé lors d’un #incendie cette après-midi à #Nantes
— Laurent Fournel (@FourneLaurentOf) March 28, 2021
Félicitations à eux
© Crédit Vidéo Kenza Zekkar – https://t.co/V7zUsln2Lj@OuestFrance @presseocean @bleuloireocean @telenantesinfo pic.twitter.com/1pq1TIA06h
Fatmirësisht foshnja nuk është dëmtuar dhe menjëherë është dërguar në spital.
Ndërkohë këta të rinj kanë ndihmuar që prindërit të mund të dalin nga apartamenti i mbytur në flakë dhe tym, një akt me të vërtetë heroik.
Kryebashkiakja e qytetit i kërkoi Presidentit të Francës që të dekoronte këta të rinj si heronjtë që arritën të shpëtojnë foshnjen e të mbeturit e tjerë nën flakë.
“Njerëzit u shpëtuan falë guximit dhe trimërisë së këtyre të rinjve, të cilët krijuan një zinxhir njerëzor deri në katin e tretë për të nxjerrë nga flakët ata që ishin në nevojë. Respekt dhe vlerësim për këta të rinj”-tha kryebashkiakja.
