Momente përlotëse, babai puth Deanin dhe i thotë këto fjalë para se ai të niset në Itali

Autoabulanca niset drejt aeroportit të Rinasit. Për pak minuta, Deani do të lërë Shqipërinë për t’u nisur drejt spitalit italian ‘Bambino Gesu’. Shpresat janë të mëdha, e veçanërisht për këtë nënë, që i qëndron pa ia shkëputur sytë të birit.

Babai i Deanit vjen me makinën e tij në Rinas. Të birin nuk do ta shohë për disa ditë dhe në njërën nga ato ditë, Deani do t’i nënshtrohet operacionit të parë për rindërtimin e rrugëve urinare.

Më pas babai i Deanit do të niset drejt Italisë për të dhuruar veshkën për të birin, në operimin e dytë.

Pak momente para se Deani të niset, babai shkon për ta takuar. E mbush të birin me puthje dhe i dhuron disa fjalë

“Të keqen babi, bëhu trim… do më japësh fjalën?” Po i thotë 9 vjeçari. “Bëhu trim shpirti babait, unë do të vij atje”

Erdhi momenti. Babai i Deanit del nga ambulanca dhe para se të ikë i thotë disa fjalë Evës. Të dy janë të ndarë, por jeta e Deanit është shumëfish më e rëndësishme

“Eva bëhu e fortë të lutem”