35 vite pasi kishte humbur, e moshuara gjen unazën e të shoqit të ndjerë

Një grua në moshë të thyer ka gjetur unazën e martesës së të shoqit, 35 vite pasi ai e kishte humbur. Bashkëshorti i të moshuarës, i quajtur Piter, kishte ndërruar jetë 22 vite më parë . Unazën e kishte humbur në vitin 1987, teksa punonte në oborrin e shtëpisë.

Pas 35 vitesh, Ana kishte pikasur në tokë unazën teksa po pastronte poshtë pemës së mollëve në oborrin e saj. E moshuara tregoi se po shkulte barishte kur papritur nga toka ‘kërceu’ unaza.

“Nuk ngjante si unaza e martesës, por si një copë metali e përthyer dhe e pisët. E pashë e mendonva me veten, nuk ka mundësi të jetë unaza...”-tregoi e moshuara për BBC-në.

Por në fakt ishte unaza e Piterit, e humbur 35 vite më parë.

“U gëzova shumë, kur po i tregoja një mikeshës sime për të, u përlota pak”-rrëfeu e moshuara.

Nëna e 7 fëmijëve tregoi se unazën e ka dërguar për riparim dhe se do ta vendosën në një varëse që do ta mbajë sa të jetë gjallë në kujtim të të shoqit.