Akti heroik i një 20 vjeçari, humb jetën në tentativë për të shpëtuar të moshuarën nga goditjet e thikës

Një djalë 20 vjeçar humbi jetën në një tentativë heroike për t’i shpëtuar jetën një gruaje të moshuar, e cila u grushtua dhe më pas u godit me thikë nga një agresor, tashmë i arrestuar nga policia.

I riu i quajtur Ali Abucar ishte i pranishëm në momentin kur agresori goditi të moshuarën me grushte e thikë. Shkoi për ta ndihmuar e për t’i dalë në krahë, teksa autori i krimit, një 30 vjeçar, arriti ta qëllojë me thikë.

Plaga që mori i riu qe fatale për të. I riu ishte një njeri punëtor dhe së fundmi kishte fituar një bursë shkollore.

“Mami është një grua e fortë… prej 30 vitesh ajo ka humbur të shoqin dhe ka mbajtur familjen e vetme. Ajo nuk e kishte kuptuar që ishte goditur me grusht e thikë. Ali shkoi atje për të ndihmuar mamin, sfidoi agresorin. Çfarë ndodhi më pas ishte një tragjedi. Unë e njihja nënën e Aliut, janë një familje e mrekullueshme. Nëna e Aliut erdhi në shtëpinë time për të më ngushëlluar për nënën, pa e ditur ende se i biri kishte ndërruar jetë”-tregoi gruaja për median e huaj.