Festival golash në 120 minuta ndeshje, Spanja mposht Kroacinë dhe kalon në çerekfinale

Një festë golash mes Spanjës e Kroacisë, një ndeshje që zgjati 120 minuta dhe nga ku u shënuan 8 gola.

Të parët që shënuan ishin spanjollët, por jo në portën e Kroacisë. Një autogol në minutën e 20-të i dha avantazhin Kroacisë, një avantazh që zgjati jo më shumë se 10 minuta. Golin për spanjën e shënoi Sarabia.

Pjesa e parë përfundoi në barazim. Me fiilimin e pjesës së dytë, Spanja shënon golin e avantazhit përmes Azpilicueta. Në minutën e 77-të, Torres e çon spanjën përpara me dy gola. Kroacia nuk dorëzohet dhe brenda 7 minutave shënon dy gola përmes Orsiç dhe Pasaliç.

Minutat e rregullta përfundojnë në barazim. Shtesat do të ishin në krahun e iberikëve. Pas autogolit, Unai Simon do të kthehej në ëngjëllin mbrojtës duke pritur një goditje të Kramariç pak metra lart portës.

Ishte Morata që e çoi topin në portë në minutën e 99-të, ndërsa goditjen përfundimtare për Kroacinë e dha Oyarzabal.