Gjermanët largohen mes lotëve, Britania triumfon në supersfidën e Euro2020
Ka përfunduar me fitoren dhe brohorimat e tifozëve në Uembli, supërsfida mes Anglisë dhe Gjermanisë.
Pas 94 minutash ndeshje, në shtëpi kanë shkuar gjermanët. Dëshpërim dhe lot për lojtarët e tifozët që kishin shpresuar në fitoren e Gjermanisë dhe një gëzim euforik për ata mijëra tifozë të Anglisë.
Anglia u tregua më e zonja. Pati dy raste dhe nuk i shpërdoroi. I pari që shënoi ishte Sterling, ndërsa në minutat e fundit kapiteni Hary Kane i dha goditjen përfundimtare gjermanëve.
Pak para golit të dytë, Gjermania pati një rast të artë përmes Muller, por ky i fundit nuk arriti ta kalibrojë si duhet gjuajtjen. Pas këtij rasti të humbur, erdhi goditja e Kane.