Burrë e grua humbin jetën prej zjarrit në Gjirokastër! Pas 64 vjeçarit, shuhet dhe e shoqja në spital

Një tjetër jetë e humbur prej flakëve. Është shuar në spitalin e Tiranës Tatiana Haxhiaj, bashkëshortja e të ndjerit Andrea, 64 vjeçarit i cili humbi jetën në fshatin ‘Asim Zeneli’ të Gjirokastrës, në tentativë për të shuar flakët pranë banesës së tij.

Andrea u asfiksua nga tymi e më tutje humbi jetën aty, ndërsa e shoqja në tentativë për ta shpëtuar mori djegie në afro 75% të trupit.

E ndjera u shtrua në spital në gjendje të rënduar ditën e ngjarjes (3 gusht). Pavarësisht përpjekjeve të mjekëve, gruaja ka ndërruar jetë.