“Duhet ta provosh dheun tonë, me atë gatuajmë” Udhëtim drejt ishullit të shumë ngjyrave

Me rrëke që njollosura në ngjyrë okër, plazhe me një blu të thellë dhe shpella magjepsëse të kripës, ky ishull është ‘Disneyland-i’ i çdo gjeologu.

“Duhet ta provosh njëherë dheun”-thotë Farzad Kay, ciceroni i guidës sime në jug të ishullit të Hormuzit, teksa ne qëndrojmë nën këmbët e një mali, i kuq si e kuqja e një rubini e që shtrihet magjishëm përgjatë bregut të detit.

I vendosur afro 8 km larg Iranit, në ujërat e gjirit Persik, ishulli i Hormuz ka formën e një loti, i mbuluar nga një kupolë me kripë. Malet e kodrat formohen nga shtresa të buta, gëlqerorë e gurë vullkanikë të pasur me hekur. Këtu mund të gjesh më shumë se 70 lloje mineralesh.

Shpesh herë ky vend njihet si ishulli i ylberit dhe mendohet të jetë i vetmi vendi, ku mund të përdorësh dheun e gurët për të gatuar.

Një lloj dheu i kuq i quajur gelack, përdoret jo vetëm si mineral për qëllime industriale, por edhe në kuzhinën tradicionale të zonës. I përdorur si një erëz a salcë, i jep ushqimit një shije më tokësore, veçanërisht kur përdoret me bukën tomshi, që përdorin lokalët e zonës.

“Ky dhe i kuq përdoret si një salcë” më shpjegoi Maryam, e shoqja e (ciceronit) Farzadit.

“Kjo salcë quhet soorakh dhe e hedhim në momentin kur pitet sapo kanë përfunduar pjekjen”

Përtej këtij dheu, në ishull gjen kripë që banorët e zonës mendojnë se ka veti kuruese. Po të hysh nëpër shpella muret janë të mbuluara nga kristalet e kripës, të cilat duken si kolona gjigande të një pallati mermeri.

Banorët lokalë besojnë se kjo kripë ka aftësi kurative dhe se largon energjitë negative nga trupi.

Burimi: BBC, Përshtati me shkurtime: Shqiptarët për Shqiptarët.info