I ati nuk mundi ta shpëtojë nga flakët, 12 vjeçarja që humbi jetën në Gjirokastër ishte autike

Mbrëmjen e djeshme një zjarr përfshiu banesën e një familje në Derviçan, ngjarje e cila i mori jetën një 12 vjeçareje.

E mitura ishte e prekur nga spektri autik dhe me të parë flakët e tymin, ka tentuar të fshihet. 12 vjeçarja ka hyrë në tualet, ndërsa babai i vajzës është munduar ta shpëtojë të bijën.

49 vjeçari me inicialet I.N pësoi djegie të shumta në trup në tentativë për t’i shpëtuar jetën vajzës. Kur zjarrfikësit kanë mbërritur në vendin e ngjarjes, babë e bijë kishin shenja jete, por vogëlushja nuk mundi t’i mbijetojë asfiksisë.

Zjarri dyshohet se u shkaktua për shkak të pakujdesisë me një qiri, pasi në kohën e rënies së flakëve në zonë nuk kishte patur drita.

49 vjeçari u dërgua në spital dhe ndodhet jashtë rrezikut për jetën.

Ky është rasi i dytë i djegies me pasoja në njerëz, në ditët e fundit. Kujtojmë se disa ditë më parë, dy të moshuar humbën jetën si pasojë e flakëve të shkaktuara nga një mjet ngrohës.