Liroi dhomat e shtëpisë për dhjetëra refugjatë të luftës, historia e një ’emigranteje’ shpirtmirë
Rreth 5 vite më parë, një i ri nga Siria u largua prej Alepos dhe kaloi Mesdheun nga Turqia drejt Greqisë. Më tutje arriti të kalojë kanalin anglez dhe kërkoi azil në Britani.
Një vit më vonë, një grua e mirëpriti në shtëpinë e saj për të qëndruar për afro 12 javë, pasi refugjati po kërkonte të përfundonte studimet universitare.
Ai qëndroi në shtëpinë e Katrina Litvak (Katrina Litvack) në Londër, e cila iu gjend pranë dhe e ndihmoi me një vend për të jetuar dhe me mësimin e gjuhës angleze.
Dhe i riu nga Siria është vetëm një nga 30 refugjatët që kjo grua ka ndihmuar përgjatë viteve.
“Përgjatë këtyre 4 viteve të fundit në shtëpinë time në Londër kanë jetuar 30 refugjatë për intervale kohore të ndryshme. Por djali nga Siria, Basel-i, është bërë si djali im. Jam shumë e lumtur që ai djalë është bërë pjesë e familjes sime”-thotë gruaja, e cila vetë është emigrante në Angli.
“Unë vetë jam gjysëm franceze, e gjysëm kanadeze dhe një emigrante vetë që jeton në Britani. Kësisoj e kuptoj më së miri se çfarë do të thotë të jesh i huaj në një vend, edhe pse rrethanat e mia me ato të Baselit janë krejt të tjera. Kam dashur thjesht të ndihmoj ata njerëz që të vetmin faj që kanë patur, ka qenë të lindnin në kohën e vendin e gabuar”-shton Katerina.
Katerina tregon se pa një artikull në media ku flitej për një çift që do po hapnin dyert e shtëpisë së tyre për disa refugjatë sirianë.
“Hyra në artikull dhe pashë për një organizatë bamirëse. Aty kërkova për të ndihmuar dhe u nisa drejt SHBA-ve për të takuar vajza e mia, së bashku me tim shoq. Kur mbërritëm në Filadelfia, organizata më kërkoi të shihja mundësinë për të ndihmuar një refugjat në moshë të re”-kujton Katerina.
E tashmë pas 4 vitesh të gjata, Baseli është në vijim të shkollës së lartë për inxhinieri kompjuterike dhe bën dy punë, si banakier dhe shpërndarës ushqimesh.