Ndahet nga jeta legjenda gjermane, Gerd Muller
Është ndarë nga jeta këtë të dielë Gerd Muller, një prej legjendave të futbollit gjerman. Muller ndërroi jetë në moshën 75 vjeçare, i sëmurë prej kohësh nga Alzheimer
Muller i përket një brezi të artë të futbollit gjerman, një brez me të cilin shumë shqiptarë sportdashës janë rritur.
Para Messit e Ronaldos, ishte Muller ai që dominonte shumë prej rekordeve në Europë.
Në 427 ndeshje të Bundesligës, Muller shënoi 365 gola, fitoi 4 herë kampionatin, 4 kupa e 3 herë Kupën Europiane.
Për të mos harruar kampionatin botëror, ku Muller shënoi 68 gola me përfaqësuesen gjermane dhe ngriti kupën e botës në vitin 1974, në përballjen me Holandën (gjermanët fituan me rezultatin 2-1, goli i dytë u realizua nga Muller).
“Bayern Munchen dhe të gjithë tifozët tanë mbajnë zi për Gerd Muller, i cili humbi jetën sot në mëngjes në moshën 75-vjeçare“,-shkruan ekipi i Bayern në rrjetet sociale.
FC Bayern are mourning the passing of Gerd Müller.
— FC Bayern English (@FCBayernEN) August 15, 2021
The FC Bayern world is standing still today. The club and all its fans are mourning the death of Gerd Müller, who passed away on Sunday morning at the age of 75.
