Një histori përlotëse, ky mësues shiti sanduiçë për t’i plotësuar dëshirën nënës me kancer
Çfarë mund të bëjë njeriu për nënën? Mbase edhe fjala “gjithçka” duket e pakët.
Njëlloj si rasti i këtij të riu, i cili punon si mësues në një gjimnaz. Kur ai mësoi se e ëma ishte me kancer e gjithë bota i ra përmbys. E me sëmundjen, përkujdesi i Dastinit për të ëmën u shumëfishua. I kishte premtuar të ëmës se do ta çonte në një udhëtim drejt Egjiptit. E ëma kishte patur përherë dëshirë për të parë piramidat e bukuritë e Egjiptit.
Dastin kishte dëshirë që në Egjipt të çonte të gjithë familjen e tij të afërt, plot 14 vetë e meqenëse kostoja shkonte në afro 10 mijë dollarë, ai kishte nisur të gatuante e shiste sanduiçë. Fillimisht miqtë e të afërmit ishin klientët e parë, por më tutje historia e Dastinit u përcoll në rrjetet sociale. Kur njerëzit mësuan se gjithçka bënte ky i ri, ishte vetëm për t’i plotësuar dëshirën nënës së sëmurë, dhjetëra njerëz filluan të vijnë në shtëpinë e tij. Njerëzit blinin sanduiçin dhe i uronin fat Dastinit. Fundja nëna e tij kishte një sëmundje të pashërueshme, e cila herët e vonë do t’i merrte jetën.
Për 6 javë, Dastin arrin të mbledhë 18 mijë dollarë dhe dërgon të gjithë familjen në Egjipt. Edhe atje autoritetet duke parë gjendjen e Glorias (nëna e Dastinit) u përkujdesën gjatë udhëtimit të saj tek piramidat. Madje e lejuan të vizitonte sfinksin edhe pse në atë periudhë nuk ishte hapur ende pr vizitorët.
“Vazhdimisht mami më thoshte, se ishte udhëtimi më i bukur i jetës së saj”-tregon Dastin, i biri.
Me t’u kthyer në SHBA, Gloria u transferua në spital dhe ndërroi pak javë më vonë.
“Sikur ta kishit parë atje në Egjipt, do thonit se ajo ka jetë edhe për 3 apo më shumë vite… por e vërteta është, se jetoi edhe për 3 javë”-tregon i biri.
Pas ardhjes në SHBA e hospitalizimit, Gloria kërkoi ta dërgonin në shtëpi. Ajo ndërroi jetë në banesën e saj, e rrethuar nga familjarët, në moshën 56 vjeçare.
Tashmë i biri po mendon që të hapë një restorant në emër të së ëmës e po ashtu është në pritje të një fëmije, që sërish do ta quajë si e ëma. E kur gazetari e pyet se çfarë e shtyu të bënte gjithçka, Dastin u shpreh shkurtimisht “Vetëm nëna ime, vetëm dashuria për nënën time”