Të shkosh në kishë për të vjedhur… çfarë ndodhi në Libofshë

Gjatë orëve të natës, persona ende të paidentifikuar kanë hyrë në Kishën e ‘Shën Gjergjit’ në Libofshë të Fierit, me qëllim për të vjedhur para. Kanë hyrë në Kishë dhe kanë thyer drynin e arkës së qirinjve e prej aty kanë marrë një sasi prej 2 mijë lekësh të vjetra. Më pas janë larguar.

Policia e Fierit e njoftoi rastin e shëmtuar, teksa shtoi se po të njëjtët persona dyshohet të kenë qenë autorët e tentativës së vjedhjes në Kishën e Shën Nikollës.

“Më datë 22.05.2021 u referuan materialet në Prokurorisë pranë Gjykatës së Shkallës së Parë Fier dhe po punohet për identifikimin dhe kapjen e autorëve pasi gjatë natës, persona të paidentifikuar kanë hyrë në Kishën e Shën Gjergjit në fshatin Libofshë dhe duke thyer drynin e arkës së qirinjve, kanë marrë rreth 2000 lekë të reja.

Gjithashtu, në fshatin Vanaj, dyshohet se po të njëjtët autorë kanë hapur derën e Kishës së Shën Nikollës por nuk kanë arritur të marrin gjë.”-njoftoi policia.