“Unë jam vajza jotë” Historia prekëse, pas 14 vitesh vajza përqafohet me nënën e saj

Zhaklina ishte 6 vjeçe kur i ati e rrëmbeu. Në atë kohë (viti 2007) nëna e vajzës, Anxhelika, e denoncoi rastin në polici. Kërkimet nisën por nuk u gjet gjë. Autoritetet dyshuan se burri ishte arratisur nga SHBA-të drejt Meksikës.

14 vite kaluan dhe një mesazh në rrjetin social rihapi çështjen. Zhaklina kishte arritur të gjente të ëmën në rrjetin social. I kishte shkruar një mesazh duke i thënë se ishte e bija.

E tronditur, gruaja kishte kontaktuar me policinë, duke i njoftuar se dikush i kishte shkruar e deklaronte se ishte e bija, e zhdukur prej 14 vitesh. Me bashkëpunimin e disa instancave shtetërore, u vërtetua se gruas i kishte shkruar me të vërtetë e bija, e cila tashmë ishte 19 vjeçe. Po me ndihmën e autoriteteve gruaja u nis në kufirin mes SHBA-ve e Meksikës, për të takuar të bijën.

Lajmi është bërë publik në thuajse të gjitha mediat në SHBA. Pavarësisht insistimit të këtyre të fundit, nënë e bijë kanë refuzuar të japin një intervistë apo të tregojnë se përse vajza kontaktoi me nënën pas kaq shumë kohësh.