Infermierja vjen në punë gjatë ditëve të pushimit, për t’i rregulluar flokët pacienteve në spital
Për disa pacientë që qëndrojnë shtrirë në spital, ndonjëherë një gjest i vogël mirësie, i sjell buzëqeshjen, i jep një energji të nevojshme pozitive për t’u përballur me sprovën që i ka sjellë aty.
Pikërisht për këtë arsye, kjo infermiere prej disa muajsh tashmë, gjen kohë në ditët e saj të pushimit, për të ardhur sërish në punë e për t’u përkujdesur për pacientet gra. Veçanërisht për ato në moshë të thyer, të cilat nuk kanë fuqinë e nevojshme për t’u kujdesur për veten. Bruk Xhons (Brooke Johns), 40 vjeçe, është infermiere e emergjencës në një prej spitaleve të Las Vegasit në SHBA.
Ajo tregoi për median e huaj se e nisi këtë ‘punë’ në fillim të vitit, kur një mike e saj ishte shtruar në spitalin ku punonte. Mikja e saj ishte prekur ng Covid-i dhe asnjë prej familjarëve nuk lejohej të hynte për ta parë. Kështuqë infermierja përveçse vizitave të punës, i bëri dhe një vizitë ‘estetike’.
“Ajo ishte shumë e pafuqishme e nuk mund të krihte as flokët, kështu që i thashë, a mund tëti kreh unë flokët?” Ia kreva flokët e më pas i bëra disa gërsheta, në mënyrë që të mos bezdisej nga qimet”-thotë infermierja.
Mikja e infermieres u gëzua kur pa veten në një pasqyrë. Një moment i nevojshëm për një njeri të sëmurë, mendoi Bruk, e cila që nga ajo kohë vendosi t’i ofrojë ‘shërbimet’ e saj edhe pacientëve të tjerë, veçanërisht grave të moshuara.
E kësisoj, duket se nëpër korridoret e spitalit u përhap shpejt fjala mes pacientëve, nëse do të donin që t’i rregullonin flokët e tyre. Duke patur shumë ‘kërkesa’ Bruk madje ka lënë dhe ditët e saj të pushimit për të ardhur në spital e për t’u përkujdesur për pacientet e flokët e tyre.
Gjesti i bukur i kësaj gruaje, tërhoqi vëmendjen e medias dhe jo vetëm. Shembulli i saj shtyu të tjera infermiere, që të bënin të njëjtën gjë për pacientet e tyre