Tragjike në Kretë, një 15 vjeçare shqiptare ndërron jetë në aksident

Kishin dalë me makinë dhe ishin nisur për të bërë xhiro pranë detit, por jeta ju pre në mes. Një grup me 4 të rinj, dy prej tyre adoleshentë, u përplasën me një makinë gjatë rrugës. Si pasojë e aksidentit, një 23 vjeçar dhe një 15 vjeçare ndërruan jetë. 15 vjeçarja e ndjerë, ishte me origjinë shqiptare.

23 vjeçari besohet të ketë humbur kontrollin e makinës. Është përplasur me një pemë e më tutje me një makinë ku udhëtonte një burrë me të ëmën e moshuar.

Siç shkruan media greke (ngjarja ndodhi dje në Hanja të Kretës), makina e të rinjve u shformua plotësisht nga përplasjet. 23 vjeçari me origjinë nga Gjergjia ndërroi jetë në vend, po ashtu si e mitura shqiptare.

Në makinë ndodheshin një vajzë 23 vjeçe (e dashura e të ndjerit) si dhe një djalë 17 vjeçar. Ky i fundit u dërgua në spital në gjendje kritike. Po ashtu edhe pasagjerja 23 vjeçare është në luftë për jetën e saj.

Media greke ka mësuar se 23 vjeçari që i jepte makinës, nuk kishte patentë dhe se makina ishte e nënës së tij.

Burimi: Protothema.gr