Ulqini po pret vitin “2202”, komuna fajëson një grup fëmijësh

Në qytetin e Ulqinit tërhoqi vëmendjen e njerëzve dhe medias një dekorim i festave të fundvitit, ku shënohej se po hyjmë në vitin 2202.

Por duket se ‘ngatërresën’ duke shtuar dy shekuj më shumë, e kanë bërë një grup fëmijësh nga qyteti. Kështu të paktën shprehet sekretari i drejtorisë së turizmit të qytetit, Fitim Avdiu, i cili tha se numrat i kanë ndërruar disa fëmijë.

“Fëmijët e qytetit ia kanë ndërru vendet. Tash është mirë 2022, është ndërru menjëherë”, ka thënë Fitim Avdiu për Klankosova.