“Zoti ju shpërbleftë” Noari niset drejt shërimit, këto janë fjalët prekëse të nënës së vogëlushit
Noari po vuante dhe shpresat për jetën e tij shuheshin nga dita në ditë. Familja e vogëlushit nga Kosova nuk kishte mundësi të përballonte faturën e madhe financiare për kurimin e djalit të tyre.
Mes lotëve që të thyenin zemrën, nëna e Noarit iu drejtua me një lutje e përgjërim prekës shqiptarëve, për të ndihmuar në mundësimin për ta dërguar të birin në spitalin e specializuar në Itali.
Dhe brenda një kohe rekord, gjithçka u bë gati. Me ndihmën e shqiptarëve bamirës, Noari u nis këtë të premte drejt Italisë. Pak para nisjes, Elvisi bëri një lutje për vogëlushin.
Sërish nëna e Noarit, tha disa fjalë prekëse, për këdo që dha diçka nga vetja, për të shpëtuar jetën e ëngjëllit të saj të vogël, Noarit 4 vjeçar.
“I falenderoj të gjithë, Zotin e ju, që na dhatë një mundësi për të dërguar djalin në Itali. I falenderoj të gjithë ata donatorë, që dhanë kontributin e tyre, Allahu ju shpërbleftë”