“Bashkëshorti ndërroi jetë brenda 3 minutave! Vetë u rrit jetim… e tash m’i la mua 7 fëmijët jetimë”

Përpos humbjeve të mëdha njerëzore dhe traumave të skalitura thellë në mendje e zemër, familja Maksuti ngeli pa banesë.

Serbët iu dogjën shtëpinë. Dy vëllezërit, Ismeti e Xhevati u detyruan të shpërnguleshin në fshatin Shakovicë

“Shtëpinë na e patën djegë serbët. Me atë shkak KFOR-i erdhi e na mori neve si familjarë. Tre vllazni ishim e na prunë këtu në fshatin Shakovicë… Që sot e 22 vite, jemi në këtë shtëpi, unë fëmijët, gruaja, plus dhe vëllai me të shoqen e të shtatë fëmijët e tyre, 4 vajza e tre djem.”-tregon Xhevati.

Por një tjetër dramë e goditi familjen Maksuti. Vëllai I Xhevatit, Ismeti ka ndërruar jetë pak javë më parë nga ataku në zemër. E veja e Ismetit, Farija rrëfen se jeta me 7 fëmijë jetimë tashmë është vështirësuar tej mase.

“Kam 7 fëmijë. 4 vajza e tre djem, të vegjël janë djemtë. Bashkëshorti ka vdek… ai vetë u rrit jetim, e tash m’i la fëmijët jetimë. Ishte shëndoshë e mirë. Pak para se me ra me fjet, më tha që nuk jam mirë e gjoksi po më dhemb…për tre minuta vdiq. Më vështirë nuk ka ku shkon, një nënë me 7 fëmijë jetimë, por nuk kam se çfarë të bëj.”-rrëfen Farija.

Përgjegjësia për të dyja familjet tashmë ka rënë mbi Xhevatin.

“Fëmija kanë tentuar të zgjojnë babën, kanë thërrit…ishte një tmerr i rëndë. Më dhimbte zemra shumë për vëllanë, por kur i pashë fëmijët e tij, e mbajta veten.”-rrëfen mes lotëve ai.

Por Xhevati e ka thuajse të pamundur të kujdeset për 13 frymë me vetëm 220 euro në muaj. Ndiqeni këtu rrëfimin dhe lutjen që ai bën për shqiptarët bamirës.