I vëllai humbi jetën nga goditja me thikë në Elbasan, flet 19 vjeçari që i shpëtoi vdekjes
19 vjeçari Mikel Kovaçi ka folur për herë të parë në lidhje me ngjarjen tronditëse të disa ditëve më parë në Elbasan, atje ku 24 vjeçari Ardit Hida e qëlloi me thikë atë dhe la të vdekur të vëllanë e Mikelit, 28 vjeçarin Florenc Kovaçi.
Në një intervistë për ‘Me zemër të hapur’ në News24, Mikeli tregoi se tashmë ndodhet në gjendje të mirë shëndetësore.
I riu tha se ka patur një lidhje 1 vjeçare me 14 vjeçaren e cila u bë shkaku i sherrit mes tij dhe vëllait të së dashurës, 24 vjeçarit Ardit Hida. Mikeli tregoi se ditën e ngjarjes ka dalë me babanë e tij dhe më pas ka shkuar të takojë të miturën. Madje ai thotë se nuk ka kryer asnjë marrëdhënie intime me vajzën.
“Kam dalë nga shtëpia në orën 4, kam takuar babain kam marrë qesen me ushqime dhe kam ikur në shtëpi. I kam shkruajtur vajzës në “Instagram” për tu takuar dhe më tha mirë. Duke bërë muhabet vjen personi me kapuç dhe nuk e njoha. Ai nuk reagoi në fillim më qëlloi mua por ika me vrap dhe nuk e di çfarë ndodhi sepse ika.” tregoi ai.
-Kishit thjesht shoqëri me vajzën?
Mikel Kovaçi: Jo.
E kishe të dashur?
Mikel: Po
Prej sa kohësh ishit bashkë?
Mikel: Prej një viti
E dije që ishte 14-vjeç dhe që është e ndaluar të shoqërohesh?
Mikel: Po e dija
Si ka qenë njohja?
Mikel: Me anë të shoqërisë
Si ka qenë ky vit për ju?
Mikel: Nuk jam në gjendje të flas
Me vëllain, familjarë je takuar e dinin për lidhjen?
Mikel: Vëllai nuk e dinte, e ëma e dinte lidhjen
E ka miratuar lidhjen?
Mikel: Se di
Më tutje në rrëfimin e tij, 19 vjeçari ka mohuar që ta ketë shfrytëzuar 14 vjeçaren apo ta ketë detyruar të shesë e konsumojë lëndë narkotike. Nga shtrati i spitalit, ai tha se mbase 14 vjeçarja ka folur nga frika për të shpëtuar të vëllanë, i cili plagosi 19 vjeçarin dhe i mori jetën 28 vjeçarit Florenc Kovaçi.
“Nuk është e vërtetë që kam shpërndarë lëndë narkotike. Se di ça ka thënë vajza, mbase nga frika për të shpëtuar vëllain e vetë. Jo se kam shfrytëzuar, jo! Nuk bëhet fjalë. Nuk është e vërtetë. Unë se dija që lidhja ime me të ishte problem për familjen. E takova te zona e quajtur ‘sporti’.
Isha 10 minuta, po bënim muhabet shoqëror. Aty vjen i vëllai i asaj. Ai nuk foli fare, dhe më gjuajti direkt. Nuk pash më gjë mbrapa. Ma tha babai vdekjen e vëllait. Lidhja më kushtoi shumë, normale. Flisja me nënën e saj, shkoja mirë, nuk kisha probleme. Një ditë që kisha unë ditëlindjen, erdhi policia në 12 të natës dhe bashkë me nënën e saj kërkonin vajzën. Ajo nuk ishte te shtëpia ime.”-tha ai.
