Ky është djali që ndaloi çmendurinë në sheshin ‘Skënderbej’ në Tiranë

Një makinë hyri këtë të dielë në sheshin ‘Skënderbej’ në Tiranë duke rrezikuar jetët e shumë qytetarëve.

Ky është i riu i cili arriti të ndalë këtë çmenduri. Klodi quhet dhe për median u shpreh se makina po drejtohej nga njerëzit duke i rrezikuar jetën. I riu është hedhur në ajër me të dyja këmbët, duke goditur shoferin. Më pas një grup njerëzish kanë mundur ta neutralizojnë, derisa oficerët e policisë kanë bërë të mundur arrestimin e tij.

“Erdhi një makinë e aksidentuar drejt turmës së njerëzve në një mënyrë shumë të rrezikshme. Iu hodha me të dy këmbët në xham, nga dera e pasagjerit, dhe e neutralizova për momentin. E mbajtën qytetarët, policia, se di kush ka qenë tjetër. Hedhjen nuk e di si e bëra. E ndjeva, e bëra. Me shtyu jeta e njerëzve të pafajshëm, nuk meriton askush që të vdesë në sheshin Skënderbej pa asnjë arsye. I kam rënë me dy këmbët në fytyrë dhe është shtrirë pastaj e kanë kapur. Makina ishte në ecje.”, tha për median i riu që ndaloi shoferin.

(Momenti kur Klodi neutralizon shoferin/ Video e publikuar nga News24)

Nga të dhënat paraprake, dyshohet se shoferi ka qenë nën efektin e narkotikëve