Pamje të pazakonta, në Vlorë e Shëngjin deti tërhiqet me disa metra
Deti përgjatë disa prej brigjeve në veri e jug të Shqipërisë, ka marrë një pamje mjaft të pazakontë ditët e fundit.
Për shkak të zbaticës, deti është tërhequr për disa metra, e në raste si në plazhin e Shëngjinit, për mëse 10 metra. Njëjtë ka ndodhur edhe në plazhin e Divjakës.
Baticat e zbaticat janë një fenomen kompleks që shkenca i ka shpjeguar mes raporteve gravitacionale midis Tokës e Hënës (e në një nivel më të vogël edhe diellit).