Pamjet e sherrit në marketin në Tiranë që i kushtoi jetën një 29 vjeçari… autori oficer policie

Një ngjarje tragjike u regjistruar në një market në rrugën “Irfan Tomini” në Tiranë (mbrëmjen e djeshme), ku një sherr verbal se kush do të paguante i pari, solli vdekjen e një 29 vjeçari, i identifikuar si Jurgen Duka.

Këto janë pamjet filmike të momentit kur pas sherrit të çastit mes djemve, autori nxjerr armën e qëllon, duke lënë të vdekur 29 vjeçarin. Autori rezulton të jetë punonjës i policisë së Dibrës, siç njoftojnë autoritetet.

NJOFTIMI I POLICISË:

Tiranë/Informacion shtesë në lidhje me ngjarjen e ndodhur në një market, në rrugën “Irfan Tomini”.

Identifikohet autori i dyshuar i vrasjes së shtetasit J. D. (M).

Në vijim të veprimeve të kryera nga grupi hetimor, pas këqyrjes së pamjeve filmike dhe verifikimeve të kryera, është bërë i mundur identifikimi i autorit të dyshuar të vrasjes së shtetasit J. D. (M.), i cili është shtetasi A. S., banues në Sauk, punonjës policie në DVP Dibër.

Po nga veprimet hetimore të kryera dhe deklarimet e marra nga personat që ishin prezent në vendngjarje ka rezultuar se ngjarja ka ndodhur pas një konflikti të çastit dhe autori i dyshuar nuk ka qenë në shërbim gjatë ngjarjes.

Gjithashtu, grupi hetimor gjatë kontrollit të rrobave të shtetasit J. D. (M.), ka gjetur dhe sekuestruar një sasi prej 2.8 gramë lëndë narkotike e dyshuar kokainë, ndërsa në vendin e ngjarjes janë sekuestruar një gëzhojë pistolete dhe një DVR me pamjet filmike të ngjarjes.

Vijon puna intensive për kapjen e autorit.

Nën drejtimin e Prokurorisë, grupi hetimor në bashkëpunim me SHÇBA-në vijon punën intensive për dokumentimin e plotë të ngjarjes.