“Pa fëmijë jam, por sot ju kam juve” Të moshuarit përloten kur shohin çfarë bënë shqiptarët

‘Shqiptarët për Shqiptarët’ u rikthyen në fshatin Tërbuf të Divjakës për të takuar Ymerin e Nexhmien, por kësaj here me një mision ndryshe.

Burrë e grua u transportuan me autoambulancë nën kujdesin e stafit mjekësor drejt spitalit Continental në Tiranë. Nexhmija i duhet të nënshtrohet një operimi në qafë, pasi nëse nuk kurohet, rrezikon të humbasë zërin.

Operimi shkon më së miri dhe në dhomën e spitalit, Nexhmijes i shkojnë për vizitë Elvisi dhe Fatma.

Vizita e tyre emocionoi jo pak 54 vjeçaren e cila dha fjalë zemre, pavarësisht se ende nuk e kishte marrë veten nga operimi

Nexhmija: Derisa të jem gjallë ju falenderoj për ndihmën, edhe shqiptarët i ruajtë Zoti se unë do kisha ikur, më tha mjeku për dy muaj ti kishe mbaruar më thanë, ai mjeku mi hoqi shpresat, unë jetën time e kam nga ju, ti je djali im dhe kjo është nusja ime, unë pa frikë u futa dhe ja dola me sukses, më tha mjeku. Analizat më kanë dalë mirë. Zoti përpara, ne pas tij. Më erdhi vdekja por nuk më lanë fëmijët e mi, sot ndiej sikur nuk më ka ndodhur gjë, ja mu mblodhën fëmijët brenda dhe jashtë shtetit. Më përpara mua më falnin ushqim, më kanë falur edhe për Ramazan 1 kg makarona, unë asgjë nuk kisha për të ngrënë. Në atë shtëpi shiu më futet brenda, kam shumë ftohtë gjatë dimrit, ka shumë lagështirë.

“Mos pafsh më halle tani, ja burri i ka sytë me lot, ne kishim dëshirë të vije tek spitali Continental, këtu mjekët u rrinë në kokë. Sot të shikoj mirë, do dalësh, do vijmë edhe atje tek shtëpia juaj atje, rrini të qetë, do flasim shtruar atje”,-i drejtohet Elvisi- Nexhmijes.

“Na kemi dhënë shumë lumturi të madhe na the që na ke si fëmijët e tu, ke jetë të vështirë, ju keni dashuri shumë të madhe mes jush, ne nuk do të lëmë më që të hash bukë me kos që thoje tek klipi”,- thotë Fatma.

Pas vizitës, burrë e grua u bënë gati të nisen në banesë, pa e ditur ende surprizën e madhe që i kishin bërë shqiptarët. Për më tepër klikoni videon.